Porsche ka njoftuar se do të përdorë një lloj të ri çeliku “të gjelbër” për makinat e saja duke filluar nga viti 2026. Me këtë material të ri, Porsche dëshiron të eliminojë 95% të emetimeve të CO2 gjatë procesit të prodhimit. Prodhuesi gjerman ka hyrë në një partneritet me kompaninë H2 Green Steel për të prodhuar këtë lloj çeliku. Ky material i ri do të jetë i pranishëm në disa modele Porsche duke filluar nga viti 2026.

Lloji i ri i çelikut përpunohet duke përdorur energji elektrike dhe hidrogjen. Porsche vë në dukje se për shkak të kufizimeve, do të marrë vetëm 35 mijë tonë çelik “të gjelbër”, por plani është që sasia të rritet nga viti në vit. Porsche përdori deri në 220 mijë tonë çelik për makinat e saja në vitin 2022.

Porsche është gjithashtu e përfshirë intensivisht në zhvillimin e karburanteve sintetike në mënyrë që të mbajë modelet me motorë SUS në rrugë sa më gjatë të jetë e mundur. Edhe pse shitjet e 911 legjendar arritën në vetëm 13% të të gjitha shitjeve të Porsche në vitin 2022, ky model do të mbetet i fundit që do të kalojë në energji elektrike të pastër.

Në muajin qershor prodhuesi gjerman i makinave sportive zbuloi logon e saj të re përpara prezantimit të makinës sportive të së ardhmes. Logoja e re ishte dizajnuar për festimin e 75 vjetorit të makinës së parë sportive të Porsche, makinë e cila doli nga linjat e prodhimit në vitin 1948, e cila u parapri nga kompania që ndërtoi modele dhe tanke të bazuara në Volkswagen Beetle për ushtrinë gjermane gjatë Luftës së Dytë Botërore.