Një siuatë kaotike është shkaktuar në Aarwangen, një fshat në Zvicër, për shkak të zileve të lopës. Fshati është një nga vendet që shumë punëtorë zgjedhin për pak qetësi pas punës. Banorët duket se nuk e durojnë dot zhurmën e zileve të lopës. Të paktën dy familje protestuan në këshillin e fshatit, duke kërkuar që të bien zilet gjatë natës.

Banorët e vjetër të fshatit dhe fermerët e mbetur ishin të indinjuar, duke pretenduar se ishte një sulm ndaj kulturës tradicionale. Fermeri që zotëronte tufën në fjalë e konsideroi atë një “fyerje personale ndaj tij dhe lopëve të tij”. Zilet e lopës dikur ishin shumë të dobishme. Kopetë, veçanërisht në verë, kullosin lart në Alpe dhe shpesh në shpatet e pjerrëta, kështu që kambanat ishin një mënyrë monitorimi.

Tashmë disa fermerë zviceranë i kanë hequr zilet e lopës gjatë natës, për të mos shqetësuar fqinjët, ndërsa të tjerë i kanë hequr fare. Rikujtojmë, se një lopë e madhe e bardhë u shit për çmimin më të lartë ndonjëherë, duke e bërë atë më të shtrenjtën në botë. Lopa u shit në ankand në Arado, Brazil për 4.3 milionë dollarë. Lopët Nelore janë një racë e veçantë e karakterizuar nga gëzofi i tyre i bardhë i ndritshëm, me një gungë mbi supet e tyre.