Aktori i njohur James Brolin i la të gjithë pa fjalë kur gjatë paraqitjes së tij në intervistën e fundit të gruas së tij Barbra Streisand, zbuloi se ata nuk kishin bërë seks për tre vjet para se të martoheshin. Zbulimi erdhi vetëm disa ditë përpara se Barbra të thoshte në një intervistë tjetër se publikimi i librit të saj të ri me kujtime ‘My Name Is Barbra’ shënoi fundin e karrierës së saj.

Streisand ka qenë më parë e martuar me Elliott Cloud nga 1963 deri në 1971, ndërsa Brolin ishte i martuar me Jane Cameron Agee nga 1966 deri në 1984 dhe Jean Smithers nga 1986 deri në 1995. Barbra pati një djalë Jason Gould gjatë martesës së saj, ndërsa James ka dy djem nga martesat e para dhe një vajzë nga martesa e dytë. Prezantuesja nuk mund të mos bënte shaka për natën e parë të martesës së James dhe Barbas pas tre vitesh pa seks. “Pas tre vjetësh, duhet të ketë qenë një natë e mrekullueshme atëherë,”-tha ajo. “E egër,”- u përgjigj James dhe shtrëngoi dhëmbët me lojë. Barbra qeshi dhe e pa në sy.

Çifti sapo ka festuar 25 vjetorin e martesës. Streisand nuk ka dashur kurrë që vokalin e saj ta lidh me pamjen e jashtme. Ylli 81-vjeçar, në një fragment nga kujtimet e saj, të publikuar nga People, pranon se i është thënë vazhdimisht se duhet të bëjë një ndërhyrje në hundë dhe të mbulojë dhëmbët për të qenë më e suksesshme në showbiz. Ajo u shpreh se:

Mendimi im ishte, mirë, a nuk mjafton talenti im? Një operacion i hundës do të dëmtonte dhe do të kushtonte shtrenjtë. Përveç kësaj, si mund t’i besoj dikujt që të bëjë pikërisht atë që doja dhe asgjë më shumë?