Një gjykatë në Los Angeles ka vendosur në favor të Katy Perry dhe Orlando Bloom në mosmarrëveshjen e tyre mbi rezidencën luksoze në Montecito, Kaliforni, e cila më parë ishte në pronësi të një veterani me aftësi të kufizuara. 83-vjeçari Carl Wescott, ish-pronari i shtëpisë, e çoi çiftin në gjykatë, duke i akuzuar ata se kishin përfituar nga ai kur nënshkroi kontratën për të shitur shtëpinë, pasi ishte i pashëndetshëm mendërisht.

Megjithatë, gjyqtari i Gjykatës së Lartë të Qarkut të Los Anxhelosit, Joseph Lipner vendosi se Wescott-it i mungonin prova thelbësore për të mbështetur pretendimin e tij se i mungonte aftësia mendore për të lidhur një kontratë për pronën, të cilën çifti i famshëm e bleu për 14 .2 milionë dollarë në 2021.

Avokati i Perry-t tha për Rolling Stonese:

Ky vendim është i qartë. Gjykatësi arriti në përfundimin se zoti Westcott ishte në gjendje të mirë shëndetësore kur u angazhua në negociata për të finalizuar shitjen fitimprurëse të pronës, e cila përfundimisht i solli atij një fitim të konsiderueshëm. Provat tregojnë se Westcott e shkeli kontratën thjesht sepse ndryshoi mendje. Ne mezi presim ta zgjidhim këtë çështje gjatë fazës së planifikuar të dëmeve të gjykimit të caktuar për 13 dhe 14 shkurt, nëse jo më shpejt.

Rikujtojmë, se seriali Peppa Pig është një nga karikaturat më të njohura në televizion. Ndërkaq, ylli i muzikës pop Katy Perry do të luajë personazhin e zonjës Leopardis në një episod të ri që është planifikuar të dalë në 2024. Deadline raporton se zonja Leopardis do të shfaqet në episodin me tre pjesë “Peppa Pig Wedding Party Special”, me premierë në pranverën e vitit 2024.