Një influencuer e njohur braziliane ka ndërruar jetë në moshën 29-vjeçare pasi iu nënshtrua një operacioni me liposuksion.

Liposuction: Për të hequr yndyrën nga zona të veçanta të trupit, si stomaku, ijet, kofshët, vithet, krahët ose qafa. Liposuction gjithashtu i jep formë këtyre zonave. Ky proces quhet konturim.

Luana Andrade ndërroi jetë të martën në një spital në Sao Paulo pas një “procedure estetike”.

Mediat raportuan se afërsisht dy orë e gjysmë pas operacionit në Spitalin São Luiz të hënën, Andrade pësoi një arrest kardiak dhe u dërgua në ICU, por vdiq të martën në mëngjes.

“Pacientja Luana Andrade u shtrua, e shoqëruar nga familja e saj, pasditen e së hënës për një procedurë liposuksioni, të kryer nga një kirurg privat dhe anestezist i punësuar nga familja”, thuhet në një deklaratë të spitalit, për Globo 1.

“Pas rreth dy orësh e gjysmë operacioni, pacienti u paraqit me një kompikacion të papritur të frymëmarrjes dhe kaloi në arrest kardiak.”

Deklarata vazhdoi: “Operacioni u ndërpre dhe pacientja iu nënshtrua analizave që zbuluan trombozë masive. Ajo u transferua në ICU, ku iu nënshtrua mjekimit dhe trajtimit hemodinamik“.

Një emboli pulmonare është një mpiksje gjaku që bllokon dhe ndalon rrjedhjen e gjakut në një arterie në mushkëri. Në shumicën e rasteve, mpiksja e gjakut fillon në një venë të thellë në këmbë dhe shkon në mushkëri.

Andrade, e cila kishte 558,000 ndjekës në Instagram, ishte e njohur për interpretimin në sezonin 6 të reality show brazilian Power Couple me të dashurin e saj João Hadad, sipas medias.