Edhe kjo javë mbyllet me mot të keq në vend/Parashikimi për sot!

AKTUALITET

Edhe kjo javë mbyllet me mot të keq në vend/Parashikimi për sot!

vovalbania November 12, 2023 0 koment 1 Mund të lexoni në minuta.

Edhe kjo javë mbyllet me mot të keq në vend/Parashikimi për sot!

Shërbimi Meteorologjik Ushtarak bën të ditur se për ditën e sotme, vendi ynë do të ndikohet nga kushte të paqëndrueshme atmosferike, si pasojë e masave ajrore të lagështa, me origjinë perëndimore. Deri në orët e pasdites, moti parashikohet me alternime vranësirash deri të dendura e kthjellime. Vranësirat do të shoqërohen me reshje shiu të herëpashershme, me intensitet të ulët e lokalisht me shtrëngata afatshkurtra.

Në orët e mbrëmjes dhe në orët e para të mëngjesit të ditës së nesërme, përgjatë Ultësirës Perëndimore, parashikohen reshje në një periudhë të shkurtër kohore me intensitet mesatar e të lartë, në formën e rrebesheve dhe stuhive të forta.

Këto reshje do të shoqërohen me shkarkesa të forta elektrike e breshër, si dhe do të jenë problematike në një periudhë të shkurtër kohore. Në Alpe dhe në relievet e larta malore në verilindje, priten reshje të dobëta dëbore. Mjegull/mjegullinë në zonat luginore, në orët e para të mëngjesit dhe ka shikim të reduktuar për shkak të reshjeve të shiut.

Era do të fryjë me drejtim juglindje-veriperëndim e me shpejtësi mesatare 1-7 m/s, ndërsa përgjatë vijës bregdetare e në lugina ka erë relativisht intensive dhe me shpejtësi 9-14 m/s, shoqëruar me valëzim në dete të forcës 2-4 ballë.