Thuhet se këngëtarja e njohur Adele ka konfirmuar martesën e saj me Rich Paul. Dyshja u përfol se u martuan vitin e kaluar. Ndërkaq, së fundmi duket se është konfirmuar gjithçka në shfaqjen komedike të të dashurit të saj Alan Carr në Los Angeles. Një spektator shpjegoi: “Isha në shfaqjen komedike të Alan Carr në LA sonte dhe Adele ishte në audiencë. Alan pyeti audiencën nëse dikush ishte martuar kohët e fundit dhe Adele bërtiti: “U martova”. Ndërkaq, muajin e kaluar, Paul tregoi se si ai dhe Adele ndihmuan njëri-tjetrin gjatë marrëdhënies së tyre 2-vjeçare.

Duke u shfaqur në “CBS Mornings” 41-vjeçari tha për partneren e tij këto fjalë:

Ajo ka qenë e mrekullueshme, mendoj se do të pajtohej që ne patjetër e ndihmuam njëri-tjetrin. Unë jam në një hapësirë të mirë, ne jemi në një hapësirë të mirë dhe të lumtur. Ajo është e shkëlqyer. Ajo ka qenë e mrekullueshme për mua. Ne kemi qenë të shkëlqyer për njëri-tjetrin.

Rich më pas u pyet nga prezantuesja e “CBS”, Gayle King për thashethemet që ai dhe Adele janë martuar. Gazetarja pyeti nëse ajo duhet t’i referohej këngëtares si ‘Znj.Paul’ herën tjetër. Rich tha: “Mund të thuash çfarë të duash”,- përpara se të shtonte se ai nuk është tipi i personit që flet për jetën e tij personale.

Kjo nuk është për mediat.

Së fundmi, ikona e muzikës botërore, Adele, në mënyrë të guximshme tregoi për të gjithë ndjekësit e saj se është duke u përballur me një infeksion bakterial në lëkurë, për të cilin ajo nuk kishte dëgjuar kurrë më parë, por që shfaqet shpesh në verë. Sipas Adele ky infeksion mund t’i jetë shkaktuar nga djersitja dhe prania e dritave intensive të skenës, gjatë performancës së saj në “The Colosseum” në “Caesars Palace”.