Banorë të Gazës nga zona Khan Yunis shiheshin të mbërrinin sot në pikën kufitare të Rafah me Egjiptin, ku po ngrinin tenda të përkohshme, teksa tanket izraelite po hyjnë dhe në jug të Gazës.

Izraeli thotë se vijon operacionin kundër Hamas dhe militantëve të tij në territorin e rrethuar, megjithë kritikat globale për numrin e madh të viktimave civile dhe shkatërrimin e ndërtesave pa diskriminim nga bombardimet.

Banorë të shumtë shiheshin të mbërrinin pranë pikës kufitarë teksa kishin me vete atë që mund të shpëtonin nga shtëpitë e tyre gjatë ditëve të armëpushimit javës që shkoi.

Më shumë se 15 000 palestinezë janë vrarë dhe lagje të tëra janë rrafshuar në Gaza nga ushtria izraelite, e cila thotë se kundërpërgjigjet ndaj sulmit të militantëve brenda Izraelit më 7 tetor ku u vranë mbi njëmijë izraelitë.

Sot tanket hynë dhe në jug të Gaza pranë qytetit të dytë më të madh Khan Yunis thanë dëshmitarët për rrjetin AFP.

Rezidenti Gazan Amin Abu Hawli tha se blindat izraelite ishin vetëm “dy kilometra larg Khan Yunis.

Ndërkohë shefja e gjysmëhënës së kuqe tha sot se kishte mbërritur në Gazan e shkatërruar nga bombardimet nga tha se vuajtjet ishin “të patolerueshme”.

“Përsëris thirrjen urgjente për nevojën e mbrojtjes së civilëve sipas ligjeve të luftës dhe për lejimin e kalimit të ndihmave,” tha Mirjana Spoljaric said on X, formerly Twitter.

Ndërsa Izraeli thotë se “nuk kërkon të zhvendosë përgjithmonë banorët e Gazës” megjithë kërcënimet e ushtrisë për largimin e banorëve drejt jugut për të lejuar vazhdimin e ofensivës.

Zëdhënsi ushtrisë Jonathan Conricus tha se Izraeli “nuk po përpiqet të zhvendosë asnjë për gjithmonë”, por shumë palestinezë i tremben një tjetër dëbimi të 760,000 njerëzve të tyre, që ndodhi në kohën e krijimit të Izraelit 75 vjet më parë.