Moti i keq në bregdet, Drejtoria Detare: Apel mjeteve të vogla lundruese!
Mot i përkeqësuar, Drejtoria e Përgjithshme Detare kërkon marrjen e masave. DPD-ja i drejtohet drejtuesve të mjeteve të vogla lundruese e të anijeve të peshkimit që operojnë përgjatë bregdetit shqiptar. Ata duhet të marrin në konsideratë kushtet e parashikuara të përkeqësuara. Anijet e transportit ndërkombëtar detar do të vazhdojnë të operojnë normalisht sipas destinacioneve. Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit pritet pas mesditës së nesërme.
Moti do të jetë i përkeqësuar përgjatë bregdetit shqiptar gjatë datës 13 dhjetor duke filluar nga ora 08:30 në drejtimin jug-jug-lindje deri në forcën 7-8 bft me shpejtësi ere deri 25 m/s dhe lartësi dallge nga 1.50 deri 2.50 metra.
Drejtuesit e mjeteve te vogla lundruese dhe anijet e peshkimit që operojnë përgjatë bregdetit shqiptar të kenë në konsideratë kushtet e parashikuara të përkeqësuara dhe marjen e masave për sigurimin e tyre me qëllim parandalimin e situatave dhe incidenteve detare gjatë ditës së sotme.
Anijet e transportit ndërkombëtar detar do të vazhdojnë të operojnë normalisht sipas destinacioneve.
Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 12:00 të datës 14 dhjetor.
Shërbimi Meteorologjik Ushtarak bën të ditur se për ditën e sotme, vendi ynë do të ndikohet nga kushte atmosferike relativisht të paqëndrueshme për shkak të masave ajrore relativisht të lagështa me origjinë perëndimore.
Moti parashikohet me vranësira mesatare e të dendura, si dhe me alternime kthjellimesh. Vranësirat do të pasohen me reshje të herëpas’herëshme shiu, me intensitet të ulët e lokalisht mesatar në veriperëndim të territorit.
Po ashtu pati mjegull të dendur/mjegullinë në orët e mëngjesit, në zonat luginore të vendit.
Era fryn me drejtim jugperëndim – juglindje e me shpejtësi mesatare 1-10 m/sek, ndërsa përgjatë vijës bregdetare e në lugina, era parashikohet relativisht intensive dhe me shpejtësi nga 12 deri në 18m/s, shoqëruar me valëzim në dete të forcës 2-5 ballë.
Temperaturat parashikohen:
Shkodër
8/15
Re shi diell
Kukës
5/12
Re diell
Lezhë
8/15
Re shi diell
Dibër
3/10
Re diell
Durrës
10/18
Re diell
Tiranë
10/18
Re diell
Elbasan
9/19
Re diell
Berat
7/19
Re diell
Vlorë
10/19
Re diell
Korçë
6/10
Re diell
Gjirokastër
5/16
Re diell
Sarandë
11/19
Re diell