Fatkeqësisht është ndarë nga jeta në moshën 56-vjeçare aktori i njohur Aktori Kamar de los Reyes. Sipas raporteve të shumta, Reyes vdiq të dielën në Los Angeles, Kaliforni, pas një beteje me kancerin. Detaje shtesë nuk janë konfirmuar ende. Në një deklaratë nga familja, e marrë nga CBS Neës, los Reyes së fundmi po xhironte për rolin e tij në “All American”.

Aktori i cili lindi në Porto Riko dhe u rrit në Las Vegas u transferua në Los Anxhelos në vitet ’80 për të ndjekur aktrimin. Ai e filloi karrierën e tij në vitin 1994, kur luajti Pedro Quinn në produksionin jashtë Broadway të Blade tot heat, i ndjekur nga roli i Ferdinandit në prodhimin e George C. Wolfe-it.

Los Reyes ishte i njohur për rolin e tij në One Life to Live nga 1995 deri në 2009. Aktori luajti në serial së bashku me gruan e tij, Sherri Saum. Përveç serialit, los Reyes interpretoi personazhin Raul Menendez në Call of Duty: Black Ops II. Ai u shfaq gjithashtu në Sleepy Hollow, All American dhe The Rookie. Sipas IMDB-së së tij, i ndjeri do të shfaqej në serialin Daredevil të Marvel dhe në Washington Black të Hulu. Kamar ka lënë pas gruan e tij, Saum dhe binjakët e tyre 9-vjeçarë, Michael dhe John. Ai është gjithashtu babai i Caylen, 26-vjeç, të cilin e kishte nga një lidhje e mëparshme.