Seriali amerikan “Expats”, në të cilin rolin kryesor luan aktorja e njohur Nicole Kidman, është xhiruar në Hong Kong, por qytetarët nuk mund ta shikojnë. Dy episodet e para të dramësamerikane me gjashtë episode “Expats” rreth emigrantëve femra u publikuan në Amazon Prime më 26 janar, megjithatë, kur shikuesit në Hong Kong u përpoqën ta shikonin atë, një mesazh u shfaq në ekran duke thënë “videoja aktualisht nuk disponohet për t’u parë në vendndodhjen tuaj”.

Amazon nuk i komentoi këto akuza. Në episodin e parë të serialit “Expats”, u shfaq një skenë e shkurtër ku njerëzit në një protestë bërtasin “Duam zgjedhje të përgjithshme të vërteta” në kantonisht, por gjithashtu mbajnë çadra, që i referohet Lëvizjes Umbrella të vitit 2014 kur protestuesit kërkuan e drejta e votës drejtori ekzekutiv i qytetit.

Ndërkaq, sjellim në vemendje se fillimet e karrierës së Nicole Kidman në industrinë e Hollivudit nuk kanë qenë aspak të lehta. Aktorja australiane në një intervistë për ‘The Radio Times’ së fundmi ka rrëfyer se ka marrë shumë kritika dhe është tallur shumë përgjatë viteve. Madje, disa parashikuan se për shkak të gjatësisë së saj 1.80 cm ajo nuk do të kishte sukses në botën kinematografike.

Më thanë: ‘Nuk do të bësh karrierë, je shumë e gjatë’.

Është e qartë se ata e kishin gabim, pasi Nicole Kidman është një nga figurat më të njohura në Hollywood. Ajo fitoi një Oscar për aktoren më të mirë në vitin 2003 për rolin e saj në “The Hours” dhe grumbulloi pesë nominime të tjera gjatë karrierës së saj.