Lindur në Tiranë më 17 nëntor 1991, R10 gjithmonë ka patur një pasion për muzikën. Pavarësisht çdo zhaneri që R10 luan, ai ka qenë më i fokusuar tek rrymat Transe, Psy – Transe e më vonë u dashurua me rrymat Melodic Techno dhe Progressive House. Karriera e tij profesionale ka nisur në vitin 2012 nëpër lokalet më të mira të Tiranës e më vonë pasionin e tij e zhvilloi duke punuar në disa radio të kryeqytetit. R10 gjithmonë ka synuar të zgjerojë zhanerat e tij në Shqipëri pasi rryma e tij nuk luhet shpesh këtu. Ai e ka profesionalizuar pasionin e tij në mënyrë autodidakte pasi Shqipëria në ato vite nuk ka qenë shumë e zhvilluar në pjesën e muzikës elektronike. Rreth vitit 2016, R10 krijoi radion e tij online ku perveç rrymave që ai pëlqen, përfshihen dhe rryma komerciale. Në vitin 2019 ai realizoi 3 festivalet më underground të rrymës elektronike, ku në të tre edicionet pati sukses. Një vit më vonë ai themeloi shtëpinë e tij diskografike të fokusuar vetëm në muzikën elektronike dhe talentet e reja ku ai i promovon nëpërmjet prodhimeve të tyre.