Big Brother Vip Albania është një fenomen social që mbërthen fort jo vetëm vëmendjen por edhe debatin publik.

Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.

E ftuar sonte në emisionin “Pardon My French” në Top Albania Radio ishte ish banorja e Big Brother Vip 3, Arta Kabashi. Arta foli për situatat dhe eksperiencën e saj brenda shtëpisë më të famshme në vend. E pyetur pak rreth jetës së saj private, nëse këngëtarja është në një lidhje dashurie siç është nënkuptuar nën rreshta me një bisedë me Meritonin, bukuroshja pohoi:

“Po jam kam konfirmuar Meritonit me një gjest dhe i kam thënë që nuk dua të flas më tepër sepse mund të zbulohet pasi është personazh i njohur! Ajo që mund të them ështe se nuk është nga bota e muzikës”.