Kompanitë që shesin suplemente super jeshile pretendojnë se një lugë pluhuri i tyre, i përzier me ujë, është gjithçka që ju nevojitet për të përmirësuar shëndetin tuaj. Shumë prej tyre premtojnë një listë të gjatë përfitimesh të mundshme, të tilla si flokë dhe thonj më të fortë, rritje të energjisë dhe ulje të fryrjes. Paketimi reklamon një listë përbërësish si pre dhe probiotikë, antioksidantë dhe vitamina. Por ekspertët i kanë thënë BBC-së se ka mënyra më të lehta dhe më të lira për t’i futur këto lëndë ushqyese në dietat tona.

Tamsin Hill, dietologe e regjistruar për NHS, thotë se ajo së pari i takoi ata përmes reklamave në mediat sociale dhe për shkak të punës së saj, shikoi se çfarë po ofronin. Ajo shikoi liderin e tregut, Athletic Greens, i cili u vlerësua për herë të fundit në 945 milion£ dhe pretendon se marrja e pluhurit të tij superushqimor AG1 i bën përdoruesit të ndihen më energjikë, të kenë lëkurë më të pastër dhe më pak dëshirë për të ngrënë.

Unë pashë në pjesën e pasme të paketës përbërësit dhe mendova se nuk kishte të ngjarë të përmirësonin shëndetin tuaj në një mënyrë të konsiderueshme.

Një kompani tjetër, Rheal Superfoods pretendon se përzierja e saj e përditshme e super zarzavateve mbështet shëndetin e tretjes, sistemin imunitar dhe mirëqenien e përgjithshme nga brenda. Përzierja FS Greens e Free Soul gjithashtu bën pretendime të ngjashme, duke premtuar se do të ofrojë mbështetje për tretjen dhe imunitetin përmes përbërësve kryesorë si ashwagandha, kivi i artë dhe maça.

Një zëdhënës i Athletic Greens tha për BBC se:

Ekipi ynë i shkencëtarëve dhe studiuesve ka shqyrtuar mijëra studime si pjesë e formulimit dhe procesit të përmirësimit të vazhdueshëm për AG1. Ekipi Free Soul na tha gjithashtu se produkti i tyre përfshin përbërës të studiuar klinikisht dhe të patentuar.

Këto produkte janë miratuar gjithashtu për t’u shitur në Mbretërinë e Bashkuar nga Shoqata e Standardeve të Ushqimit, rregullatori që monitoron sigurinë ushqimore. Një vlerësim i industrisë sugjeron se tregu i pluhurit jeshil do të dyfishohet nga 220 milionë funte në vitin 2023 në gati 395 milionë funte deri në vitin 2030.