Një spektakël i jashtëzakonshëm muzikor po vjen në zemër të Tiranës! Festivali në Parkun Europa, NORDSTERN PRESENTS ADRIATIQUE, është më shumë se thjesht një ngjarje muzikore; është një festë e plotë e artit, kulturës dhe bukurive natyrore dhe kulturore që e bëjnë këtë qytet atë që vetëm Tirana di të jetë. Me një line-up të përzgjedhur me kujdes, festivali është një përzierje e talentit lokal dhe artistëve të njohur ndërkombëtarë si Adriatique, ku edhe tek këta të fundit ka gjurmë të mëmëdheut. Emocionet nga muzika, ambienti i mrekullueshëm ku bashkohen bashkë historia dhe arti do çojnë çdo ndjesi deri në kulmin e tyre duke i bashkuar nën qiellin blu të qytetit.

Organizatorët ndërkombëtarë (Nordstern) të këtij eventi në bashkëpunim me ato lokal (Gowild) kanë vendosur Tiranën në radhët e destinacioneve më të dëshiruara nga turistët e huaj dhe vendas. Bashkëpunime të tilla janë avantazhe të pashtershme dhe marrëdhenie që krijohen përtej diplomacive, por si simbioza që zgjasin ndër vite në varësi të mbarëvajtjes për të cilën ne jemi stoikë. Jo vetëm që ata sjellin me vete spektatorë nga e gjithë bota, por gjithashtu japin një shans për të gjithë ata që do të vizitojnë qytetin të njohin kulturën dhe bukuritë e tij duke promovuar paketa turistike dhe udhëtimë që zgjasin me ditë para dhe pas festivalit.

Parku Europa, me zemrën e tij të rrëfimit dhe sheshin e tij historik të Skënderbeut, bëhet arenë e një përvoje të paharrueshme muzikore. Kjo është më shumë se një thjesht koncert; është një udhëtim në botën e muzikës elektronike, ku bashkohen në harmoni tingujt e mrekullueshëm dhe energjia e pakufizuar e komunitetit të muzikës së elektronikës si dhe identiteti, trashëgimia dhe avantgarda e brezave të rinj.

Mirëpresim të gjithë pjesëmarrësit, jo vetëm ata nga Shqipëria, por edhe nga rajoni e më tej! Bashkë, ne mundohemi të krijojmë kujtime që do të ruhen përjetë në kujtesën e gjithësecilit, duke e bërë këtë festival të jetë një pjesë e pandarë e identitetit të Tiranës, jo vetëm për personat prezentë, stafin gjatë eventit, postimeve mediatike dhe rrjeteve sociale si kartolina digjitale që mbeten gjatë, por mbi të gjitha duke vendosur një tjetër tullë në murin e kulturës sonë të pasur.

Adriatique

Adriatique personifikon ndjenjën rrallë të një lidhjeje të menjëhershme dhe reciproke që lidh dy njerëz më fort se shumë vite miqësie mund ta bëjnë. Për Adrian Shala dhe Adrian Schweizer, emri tashmë mbart një dekadë dhe më shumë, si pjesë e krijimtarisë së përbashkët. Pas njohjes në Zürich në vitin 2008, Adrian & Adrian u bënë të pashkëputur, jo vetëm si miq, por edhe si artistë. Këta dy burra hartuan një karrierë si një ndër duot më të përkushtuara prodhuese si producentë dhe DJ në skenën e house dhe techno.

Çelësi për një partneritet të qëndrueshëm është, natyrisht, për të respektuar njëri-tjetrin, dhe dy Adrian-ët e bëjnë këtë mrekullisht. Nga ana muzikore, shijet e tyre të ndryshme kombinohen në një tingull unik, dhe preferencat e tyre për punën në studio dhe performancën ndërthuren në mënyrë që të dyja aspektet janë të mbuluara njësoj mirë.

Performancat e Adriatique dhe produksionet e tyre janë të gjata, meditative, që ndërtohen gradualisht, pa pushim, duke sfiduar dëgjuesin me kthesa të holluara që ndërprijnë groove-in hipnotik të tyre.

Pas pothuajse një dekade pune të përbashkët, në vitin 2016 u shpërblye dëshira e kauzuar prej kohësh e Adrian dhe Adrian: themelimi i një labeli të tyre muzikor me aneks platformë për artet. Quhet Siamese, labeli i tyre lëshon muzikën e tyre,  si dhe prodhimet të tjera, nëse ato përputhen me bindjen e Adrian-ëve: që muzika duhet të jetë meditim. Më shumë se një label i zakonshëm, Siamese gjithashtu mbështet artistët vizualë dhe performues, duke organizuar netë klubesh që vendosin në qendër të vëmendjes këta bashkëpunëtorë ashtu si dhe yjet muzikore.

Adriatique e dinë se është të qenurit i veçantë, që lind artistë të mirëfilltë. Kjo është arsyeja pse, në të ardhmen, ata planifikojnë të zgjerojnë rrjetin e bashkëpunëtorëve si dhe shtrirjen kreative të veprimtarive të Siamese. Edhe pse kanë një dekadë në biznes, misioni i vërtetë i Adriatique ka vetëm filluar.

Organizator i Aktivitetit

Gowild

Përfaqësuar nga:

Z. Kristi Haskaj