Ishte zhdukur 2 vite më parë, gjendet i vdekur 24-vjeçari në Mamurras
![](https://www.vovmagazine.al/wp-content/uploads/2022/02/56-2-150x150.png)
![Ishte zhdukur 2 vite më parë, gjendet i vdekur 24-vjeçari në Mamurras](https://www.vovmagazine.al/wp-content/uploads/2023/02//ishte-zhdukur-2-vite-me-pare-gjendet-i-vdekur-24-vjecari-ne-mamurras.jpeg)
Është gjetur ditën e sotme i pajetë, trupi i 24-vjeçarit Klevis Lleshit, i cili u zhduk dy vitë më parë.
Mësohet se trupi i pajetë është gjetur i groposur në fshatin Shpërdhet të Mamurrasit. Ai është zbuluar si rezultat i erozionit dhe banorë të zonës kanë njoftuar policinë e cila më pas ka kryer testin e ADN-së dhe ku ka rezultuar se i përkiste të riut nga Mati, Klevis Lleshi.
Prokuroria e Matit kishte nisur hetimet pas denoncimit të familjarëve në qershor të vitit 2020 se Klevis Lleshi dyshohej të ishte marrë peng në afërsi të Pallatit të Sportit në Burrel. Hetimet u shtrinë në kohë dhe në disa qytete por nuk pati asnjë rezultat në gjetjen e vendndodhjes së tij apo të autorëve të dyshuar, derisa trupi i pajetë u zbulua në fshatin Shpërdhet të Mamurrasit.
Saga e vrasjeve në familjen Lleshi ka nisur dhjetë vite më parë. I ati i Klevisit, Xhavit Lleshi u vra në një pritë në vendin e quajtur “Pujkë” në vitin 2013, ndërsa pak vite më pas i është vrarë xhaxhai Hajredin Lleshi, pranë shtëpisë.
Lleshit i është vrarë babai për gjakmarrje, në 2016 i është vrarë xhaxhai para shtëpisë, dhe po në të njëjtin vit i është zhdukur pa gjurmë kushëriri.
Ai është në hasmëri me familjen Hoxha nga Burreli. Në 2012 vritet dhe digjet në makinë në Britani Afrim Hoxha. Policia po punon për zbardhjen e plotë ngjarjes.