Rruga e dashurisë së vërtetë nuk ka qenë kurrë e qetë, por kjo nuk e ka penguar burrin që është martuar mëshumë herë në Britani, të përpiqet të gjejë njeriun e tij të përsosur në herën e nëntë. Ron Sheppard, 74 vjeç, është martuar tetë herë, por e urren të qenit beqar dhe dëshiron të gjejë një ‘shoqe’.

Një romantik shpresëdhënës dhe jo i pashpresë, babai i tetë fëmijëve së fundmi anuloi fejesën me një grua amerikane në vitin 2019, pasi pranoi se “nuk ndihej mirë”. Ai nuk e kishte takuar kurrë Rose dhe që prej përfundimit të lidhjes së tyre, Ron është futur disi në guaskën e tij. Ron, i cili jeton nëSomerset dhe vuan nga sëmundja e Parkinsonit, u shpreh se:

Kam marrë kohë për veten time dhe kam qenë i vetmuar për shkak të problemeve të mia mjekësore dhe Covid-it.

Është një pamje paksa e zymtë për një burrë që e ka përqafuar plotësisht jetën dhe dashurinë deri në atë masë sa po publikon një libër të dytë të quajtur “Koleksionisti i bashkëshorteve”. Ron publikoi autobiografinë e tij, “Lord of The Weddings”, në 2014 dhe ai thotë se libri i tij i dytë do të vijë së bashku me një film që aktualisht është në paraprodhim me West Coast Pictures në SHBA. Pra, si ka përfunduar si i vetmuar një njeri që ka jetuar një jetë kaq plot ngjyra?

Ai ka kërkuar për romancë në internet që kur filipinesja Cristel Lalec, e cila mendonte se do të ishte “gruaja e tij e përjetshme”, u largua nga Britania e Madhe pesë vjet më parë. Në javët e fundit, ai ka biseduar me një grua që jeton në Mbretërinë e Bashkuar.

Është ende shumë herët… Unë nuk po nxitoj. Unë jam ende në kërkim të dashurisë. Nuk kam hequr dorë kurrë nga dashuria. E urrej të jem vetëm, dua thjesht një shoqe. Do të doja të gjeja dikë me të cilën mund të bisedoj mirë; që do të më mbështesë; të dalim në vende të ndryshme. Unë nuk dal në mbrëmje tani, por kjo do të ishte mirë të kisha dikë me mua.

Ron, i cili mendon se ka 13 stërnipër megjithëse nuk është plotësisht i sigurt, e ka mbajtur veten të zënë gjatë bllokimeve të COVID-19 duke vazhduar përpjekjet e fushatës shëndetësore të cilat kanë qenë në fokus që nga viti 1993. Por për shumë dekada dashuria dhe martesa kanë qenë preokupimi i tij kryesor, i cili filloi në vitin 1966 kur u martua për herë të parë me Margaret.

Dyshja ndanë tre fëmijë, por më vonë u divorcuan pas dy vitesh, pas së cilës erdhi gruaja numër dy, Jeanette. Bashkimi zgjati vetëm një vit përpara se Roni të martohej për herë të tretë disa vjet më vonë në 1976.

Ai dhe Lesley kishin dy djem; Ron e la atë pesë vjet më vonë para se të vdiste në 1996. Më pas erdhi Kathy në 1982. Çifti, i cili kishte një vajzë, punonte në Pontins me Shane Richie. Më pas Ron u martua me Sue në 1986 dhe pati dy djem. Por ajo e përzuri atë 11 vjet më vonë. Usha nga Singapori ishte gruaja e ardhshme për t’u martuar me të në 1999, e ndjekur nga Wan në 2003 dhe Weng një vit më vonë. Martesa më e gjatë e Ronit ishte 13 vjet dhe më e shkurtra vetëm 10 muaj.