Sekretari amerikan i Mbrojtjes premton trajnime ushtarake për vendet baltike
![](https://www.vovmagazine.al/wp-content/uploads/2022/02/56-2-150x150.png)
![Sekretari amerikan i Mbrojtjes premton trajnime ushtarake për vendet baltike](https://www.vovmagazine.al/wp-content/uploads/2022/08//sekretari-amerikan-i-mbrojtjes-premton-trajnime-ushtarake-per-vendet-baltike.jpg)
Shtetet e Bashkuara të Amerikës do të kryejnë më shumë stërvitje ushtarake me vendet baltike, siç është Letonia, dhe do ofrojnë trajnime të shtuara, tha më 10 gusht Sekretari amerikan i Mbrojtjes, Lloyd Austin.
Gjatë një konference për media me ministrin e Mbrojtjes të Letonisë, Artis Pabriks në Riga, ai tha se nëse është e nevojshme, Uashingtoni mund të sjellë gjithashtu më shumë trupa amerikane për të forcuar rajonin kundër çdo kërcënimi të mundshëm nga Rusia.
Austin, i cili po qëndron në një vizitë dy-ditore në Letoni, tha se planet për të bërë rotacione të vazhdueshme të forcave në Baltik janë që të përdorin trupa nga brigadat e SHBA-së në Rumani dhe pjesë të tjera të Evropës, por “ne mund të sjellim edhe forca nga Shtetet e Bashkuara”.
Gjatë vizitës së tij, Austin ripërsëriti vazhdimisht angazhimin e Amerikës për të ndihmuar rajonin që të mbrohet.
Austin është Sekretari i parë i Mbrojtjes i SHBA-së që viziton Letoninë në gati tre dekada, duke theksuar rëndësinë e shtuar të vendeve baltike që qëndrojnë në skajin perëndimor të Rusisë.
Pentagoni tha se shefi i fundit i mbrojtjes i SHBA-së që shkoi në Letoni ishte William Perry në vitin 1995.