Filmi më i ri i Marvel, “Thor: Love and Thunder” së fundmi është ndaluar që të transmetohet në kinema në Malajzi për shkak të ‘elementeve homoseksuale’ në një përpjekje për të ‘frenuar përmbajtjen LGBT+’. Qeveria tha se kundërshtoi dy pjesë të vogla në film, me njërën kur një personazh femër, Valkyrie, interesohet për një konkubinë të Zeusit dhe një moment tjetër ishte kur Valkyrie i thuhet nga krijesa rock Korg se ai ka dy baballarë. Lloji i tij është ‘ngjizur’ kur dy burra ‘Kronan’ mbajnë duart mbi një gropë llave.

Nga ana tjetër Disney i dërgoi filmat “Thor: Love and Thunder” si dhe “Lightyear” të kompanisë Pixar në Bordin e Censurës së Filmit të Malajzisë, i cili kërkoi shkurtime të cilat studiot i refuzuan, duke çuar në ndalim të plotë të transmetimit. Marrëdhëniet e të njëjtit seks janë të paligjshme në Malajzi, ku ata që shpallen fajtorë përballen me 20 vjet burg dhe dënim të detyrueshëm me kamxhik. Vendi aziatik ka ligje që promovojnë tolerancën fetare dhe racore midis tri grupeve të tij kryesore etnike, kinezëve, indianëve dhe malajzëve, por nuk toleron as homoseksualitetin mashkullor dhe as atë femëror.

Zëvendësministri i Komunikimit dhe Multimedias për Malajzinë, Zahidi Zainul Abidin, tha se filmi “Thor” nuk e kaloi censurën sepse Qeveria dhe Departamenti i Çështjeve Islame ishin ‘të përkushtuar’ për të parandaluar ‘rritje të kulturës LGBT+’. Ai gjithashtu iu përgjigj një pyetjeje në parlament për të thënë:

Jam i frustruar sepse bota e jashtme ishte ajo që promovonte LGBT-në.

Abidin vazhdoi duke shtuar se ai dhe qeveria po monitoronin me rigorozitet filmat dhe platformat e rrjeteve sociale për të gjetur ata që promovonin përmbajtje LGBT+, me të cilët do të përballeshin me ‘veprim i rëndë’ nëse gjendet. Abidin argumentoi se filmat LGBT+ po bëheshin ‘më pak të hapur’ në metodat e tyre dhe paralajmëroi anëtarët e publikut të qëndronin ‘vigjilentë’. “Lightyear” i kompanisë Pixar është ndaluar në të paktën 16 vende muslimane. Emiratet e Bashkuara Arabe njoftuan se nuk do të shfaqnin filmin në kinema pasi kishte një puthje mes personave të të njëjtit seks. Me Qeverinë Malajziane të kufizuar në kontrollin e përmbajtjes në kinema dhe transmetime televizive, shërbimet e transmetimit të filmave si Hotstar, versioni malajzian i Disney+, mund t’i shfaqin filmat në internet.