Ish-drejtuesja e dytë më e lartë e Facebook, Sheryl Sandberg kurorëzohet në martesë!

vovalbania August 22, 2022 0 koment 1 Mund të lexoni në minuta.
Ish-drejtuesja e dytë më e lartë e Facebook, Sheryl Sandberg kurorëzohet në martesë!

Jo vetëm Jennifer Lopez dhe Ben Affleck, por mesa duket fundjava që lamë pas ishte e mbushur me dasma të personazheve të njohur. Ish-drejtuesja e dytë më e lartë e Facebook, Sheryl Sandberg u martua me drejtorin ekzekutiv të marketingut dhe ish-producentin televiziv, Tom Bernthal, në një ceremoni në Wyoming të shtunën.

Ceremonia e dasmës shfaqi disa aspekte perëndimore, duke përfshirë Bernthal të veshur me çizme kauboj dhe xhinse, sipas revistës ‘People’. Sandberg njoftoi martesën e saj në Instagram. Krahas një fotoje të postuar në llogarinë e saj, bashkangjitur me disa ikona zemrash, ajo shkroi:

Të martuar!

Bernthal po ashtu ndau pamje nga ceremonia duke shkruar:

Pasi të dy përjetuam humbje, Sheryl Sandberg dhe unë nuk ishim të sigurt se do të gjenim dashurinë përsëri. Gjatë tre viteve të fundit, ne kemi shkrirë jetët tona dhe kemi përzier familjet tona. Dasma jonë sot ishte një ëndërr e bërë realitet.

Sandberg ka dy fëmijë, kurse Tom është baba i tre fëmijëve. Kur çifti u fejuan në vitin 2020, Bernthal i propozoi me një unazë me pesë diamante të vogla të fshehura për të simbolizuar pesë fëmijët e tyre.

Sandberg dhe Bernthal filluan të takoheshin në vitin 2019 pasi Goldberg, vëllai i bashkëshortit të ndjerë të Sheryl, i prezantoi bashkë. Drejtuesja, që tani u largua nga Meta, tha se nuk mund ta imagjinonte të martohej përsëri, duke qenë se i kishte vdekur bashkëshorti disa vite më parë.

Sheryl Sandberg, drejtuesja e dytë më e lartë e Facebook-ut, që tani është në pronësi të kompanisë Meta, njoftoi dorëheqjen nga posti i saj. Sandberg ka shërbyer si drejtore ekzekutive e operacioneve në gjigantin e mediave sociale për 14 vjet. Në vitin 2008, ajo u largua nga kompania Google për të filluar punën në Facebook, katër vjet përpara se platforma e mediave sociale të bëhej kompani publike.

Biletë:

vovalbania

Redaktori nuk ka dhënë ende asnjë informacion për veten e tij.

Total 41792 ka shpërndarë postimin.
MEDIAT SOCIALE