Dështon atentati ndaj zv.presidentes së Argjentinës, Kirchner/Arrestohet personi që i drejtoi pistoletën në fytyrë!

vovalbania September 02, 2022 0 koment 1 Mund të lexoni në minuta.
Dështon atentati ndaj zv.presidentes së Argjentinës, Kirchner/Arrestohet personi që i drejtoi pistoletën në fytyrë!

Panik në Argjentinë, zv.presidentja Cristina Fernandez de Kirchner, e cila ka mbajtur edhe postin e kryetares së shtetit, i shpëtoi një atentati. Një person u arrestua në kryeqytetin Buenos Aires, pasi i vuri pistoletën në kokë 69-vjeçares. Ai ishte mes turmës së mbështetësve të mbledhur pranë shtëpisë së saj dhe që po i përshëndeste sapo zbriti nga makina.

Presidenti Alberto Fernandez bëri të ditur se arma kishte pesë plumba, por u bllokua në momentin kur autori, një 35-vjeçar nga Brazili, tentoi ta shkrepte.

Cristina është gjallë, pasi për arsye teknike ende të pakonfirmuara, arma që përmbante pesë plumba, nuk funksionoi.

El video del arma contra @CFKArgentina pic.twitter.com/8j1xpMnPoe

— Lautaro Maislin (@LautaroMaislin) September 2, 2022

Pas arrestimit të autorit, arma u gjet e hedhur pak metra larg vendit ku ai tentoi vrasjen.

Tashmë, agresori është arrestuar në lidhje me atë që cilësohet si një prej ngjarjeve më serioze që nga nga rikthimi i demokracisë në Argjentinë, në vitin 1983.

Zv.presidentja argjentinase po përballet me një proces gjyqësor për korrupsion e sapo ishte kthyer nga gjykata në momentin e ngjarjes. Cristina Fernandez de Kirchner i mohon akuzat. Nëse shpallet fajtore, rrezikon dënimin me 12 vjet burg, si dhe ndalim të përjetshëm nga çdo funksion publik.

Presidenti Alberto Fernandez shtoi:

Ne mund të mos biem dakord, të kemi mosmarrëveshje të thella, por nuk duhet të ketë vend për fjalimet e urrejtjes, pasi ushqejnë dhunë dhe dhuna nuk mund të ekzistojë bashkë me demokracinë.

Sot në Argjentinë u caktua ditë pushimi për të lejuar argjentinasit “të shprehen në mbrojtje të jetës, demokracisë e në shenjë solidariteti me zv.presidenten”.

 

Biletë:

vovalbania

Redaktori nuk ka dhënë ende asnjë informacion për veten e tij.

Total 57798 ka shpërndarë postimin.
MEDIAT SOCIALE