Dy vëllezër, të cilët u ndanë nga njëri tjetri në vitin e largët 1945, do të ritakohen sërish pas 77-vjetësh. Ted Nobbs, tashmë 83 vjeç dhe vëllai i tij Geoff, 79 vjeç, kanë kaluar më shumë se shtatë dekada rreth 10 mijë milje larg njëri-tjetrit, pasi familja e tyre u nda në fund të Luftës së Dytë Botërore.

Të dielën, ata do të ribashkohen kur Ted do të fluturojë për në Australi, aty ku Geoff jeton që prej moshës 7-vjeçare. Ted, së bashku me vëllezërit e motrat Barry dhe John, u ndanë të gjithë nga vëllai i tyre më i vogël Geoff pasi nëna e tyre vdiq nga kanceri në moshën vetëm 30 vjeç, në vitin 1945.

Babai i tyre nuk ishte në gjendje të përballonte kujdesin për Geoff, i cili ishte 1-vjeç në atë kohë, kështu që e ofroi atë për birësim për t’i dhënë atij një shans për një jetë më të mirë. Geoff u shpërngul në Australi në vitin 1951, 7-vjeç, me familjen e tij birësuese dhe ka jetuar atje që atëherë duke vazhduar të ketë 8 fëmijë dhe nipër e mbesa. Ted, Barry dhe John ishin përpjekur të gjithë disa herë gjatë viteve të gjenin vëllain e tyre të vogël por pa asnjë sukses.

Por fati i tyre ndryshoi në vitin 2014, katër vjet pasi vëllai i madh John vdiq, kur Geoff gjeti Barry dhe i dërgoi një letër. Të gjithë filluan të flisnin në Skype dhe më në fund u njohën me njëri-tjetrin pas shumë vitesh. Barry, 81-vjeç, një ish-ndihmës menaxher për një kompani inxhinierike, jeton në Ripon, North Yorks., me gruan e tij Winifred.

John, vdiq në vitin 2010 në moshën 73-vjeç. Ai jetonte në Wigan me gruan dhe djalin e tij. Geoff jeton në jug të Sidneit dhe ka 8 fëmijë, ku puna e tij më e fundit ishte me kuajt para se të dilte në pension. Familja e tij birësuese qëndroi në Northampton për disa vite përpara se të transferohej përfundimisht në Australi, ku Geoff ka qenë që atëherë. Barry, i cili nuk është në gjendje të fluturojë për shkak të kufizimeve mjekësore, shtoi: “Unë jam jashtëzakonisht i lumtur për ta, por shumë ziliqar”.