Një vjedhje mjaft e pazakontë ka ndodhur në Patras. Një 29-vjeçar ka hyrë në një farmaci në orët e vona dhe ka vjedhur të gjithë viagrat. Farmacia ndodhej në rrugën Akrotiriou. I riu ka hyrë në ambientet e brendshme, në prani të klientëve dhe stafit dhe ka vjedhur dhjetëra kuti me pilulën blu. Duhet theksuar se ndonëse ka zbrazur raftin me produktin konkret, nuk ka shkuar për asnjë moment në kasë për të vjedhur faturat. Menjëherë janë mobilizuar autoritetet policore të cilat e kanë lokalizuar dhe arrestuar.

Ndërkaq një studim mbresëlënës te meshkujt me probleme të mosfunksionimit erektil të fazave të para deri në mesatar rezulton në prova të qarta se lëngu i shegës përmirëson ereksionin, duke ofruar një bazë për kryerjen e studimeve të tjera të ngjashme. Disa vjet pas këtij hulumtimi fillestar në vitin 2007, studiues të tjerë po tërheqin vëmendjen te burrat “hiperaktivë” duke raportuar tre raste të burrave që morën pilulën e njohur blu së bashku me lëngun e shegës dhe përjetuan priapizëm, siç raportohet nga dietologët Konstantinos Xenos dhe Asteria Stamatakis në librin e tyre “Meet the Greek super foods”.

Sipas një studimi të fundit, viagra mund të dëmtojë shikimin. Ekspertët kanadezë zbuluan se marrja e rregullt e pilulës së zakonshme të disfunksionit erektil mund të rrisë rrezikun e tre sëmundjeve serioze të syve. Tre ilaçe të tjera për impotencën, Cialis, Levitra dhe Spedra u emëruan gjithashtu si shkaktarë të mundshëm të problemeve të syve. Ata zbuluan se medikamentet mund të shkaktojnë humbje të papritura të shikimit, shfaqje të njollave të lehta dhe të errëta ose ‘lotim’ te ata që i marrin.