Mbretëresha zgjodhi ish-sulmuesin e Anglisë, Michael Owen, si futbollistin e saj të preferuar për shkak të higjienës së tij personale.

Monarkja e dashur ishte mbrojtëse e Federatës së Futbollit përpara vdekjes së saj në moshën 96-vjeçare javën e kaluar. Nipi i saj, Princi William, është presidenti i organizatës. Pavarësisht se Mbretëresha ishte shumë më e interesuar për garat me kuaj sesa për futbollin, ajo kishte një lojtar të preferuar, pikërisht ish-sulmuesin e Liverpool, Manchester United dhe Real Madrid, Owen.

Ajo nuk e kishte zgjedhur për aftësinë e tij të madhe në fushë, por për pastërtinë e tij larg saj, siç zbulohet nga ish-menaxheri i Tre Luanëve, Sven Goran Eriksson. Duke folur në podcastin “Sacked in the Morning”, veterani suedez tha:

Unë isha i ftuar në drekë me Mbretëreshën me rreth 10 persona të tjerë. Në një moment të caktuar, e pyeta nëse i pëlqente futbolli. Ajo tha se jo me të vërtetë. E pyeta për lojtarin ose ekipin e saj të preferuar. Mendova se do të thoshte Beckham. “Michael Owen është lojtari im i preferuar”, tha ajo. E pyeta pse dhe ajo tha: “Ai duket shumë i pastër”. Kjo ishte përgjigja.

Owen krijoi një karrierë të suksesshme me klubin dhe kombëtaren. Ai fitoi Kupën e Ligës, FA Cup dhe UEFA Cup pasi doli në skenë me Liverpool-in dhe më vonë ngriti Premier League me Manchester United.