Së fundmi, fatkeqësisht është ndarë nga jeta në moshën 91-vjeçare regjisori francez Jean-Luc Godard. Lajmin e ka raportuar “Liberation” e cila ndër të tjera ka shkruar:

Një regjisor me një punë kaq pjellore.

Figura kyçe e Nouvelle Vague, në karrierën e tij ka marrë çmime të shumta. Godard bënte filma dhe fliste me një liri radikale për t’u admiruar. Kundërshtarët e fajësuan se kishte bërë një kinema të pakuptueshme, pa menduar për shikuesin. Ai ka realizuar mbi 150 vepra duke përfshirë filma dhe video. I lindur në një familje parisiene të klasës së lartë me origjinë zvicerane, Jena mbetet një shembulli i një kineasti revolucionar dhe antiborgjez që përdori kamerën si një mjet investigimi. Ai iu afrua kinemasë nëpërmjet kritikës, duke shkruar për të famshmen “Cahier du cinéma” dhe nga një bashkëpunim me François Truffaut filmin e tij të parë verbues artistik, “A bout de souffle”.

Kjo periudhë e hershme deri në vitin 1967 do të shohë një aktivitet të vrullshëm që do të udhëheqë madje edhe publikimin e 16 filmave që bëjnë histori, duke përfshirë “Le petit soldat”, “Une femme est une femme”, “Le mépris”,” “Bande à part”, “Une femme mariée”, “Weekend”, “Deux ou trois choses que je sais d’elle”. Pas një periudhe të errët rikthehet në kinemanë e viteve ’80 me tituj që do të zgjojnë polemika dhe skandal midis të menduarit e duhur, “Passion”, “Prénom Carmen”, “Je vous salue, Marie”, “Detective”, deri në “Nouvelle Vague”.

Prej këtu fillon faza e fundit e karrierës së tij: “Le livre d’image”, e prezantuar në Festivalin e Filmit në Kanë në vitin 2018 ku mori një Palmë të Artë speciale. Në Croisette gjithashtu fitoi çmimin e jurisë në vitin 2014 për “Adieu au langage”. Ai gjithashtu fitoi në Berlinale me “A bout de suffle”, “Une femme est une femme” dhe “Masculin-Féminin”. Në Venecia ka fitoi Luanin e Argjendtë për “Vivre sa vie”, “La chinoise” dhe atë të artë për “Prénom”.