Presidentët e Turqisë dhe Rusisë, Erdogan dhe Putin do të diskutojnë për konfliktet midis Armenisë dhe Azerbajxhanit kur të takohen këtë javë, raporton Reuters duke cituar një zyrtar të lartë turk i cili ka kërkuar të mbetet anonim.

Takimi mes Erdogan dhe Putin duhet të zhvillohet të premten në prag të samitit të Organizatës së Bashkëpunimit të Shangait.

Armenia dhe Azerbajxhani nisën konfliktin dje, një ditë pasi rreth 100 ushtarë u vranë në përleshjet më të këqija midis dy ish-anëtarëve të Bashkimit Sovjetik që nga lufta e vitit 2020.

Armenia dhe Azerbajxhani, të cilët kanë luftuar për Nagorno-Karabakun për dekada, akuzojnë njëri-tjetrin për fillimin e një sërë përleshjesh kufitare.

Armenia raportoi 49 viktima të martën dhe Azerbajxhani 50. Këshilli i Sigurimit i OKB-së ka caktuar për sot një seancë të mbyllur në lidhje me ripërtëritjen e konfliktit në rajonet në kufirin Azerbajxhan-Armen.

Kryeministri armen Nikol Pashinyan, duke iu drejtuar deputetëve armenë, tha se Azerbajxhani ka vendosur kontroll mbi disa pjesë të territorit armen.