Mbrëmjen e djeshme gjatë “Prime-t” ka patur një tjetër largim nga “Big Brother VIP Kosova”.

Bëhet fjalë për bukuroshen Kader Kicaj, e cila pas votave të publikut la shtëpinë e famshme, duke humbur kështu mundësinë për të arritur në finale dhe pse jo për ta fituar atë.

Kader krijoi një lidhje edhe me Lumbardhin në BBVK. Pjesa tjetër e banorëve ngritën dyshime për vërtetësinë e ndjenjave të tyre por Lumbardhi u shpreh që lidhja e tyre ka për të vazhduar edhe jashtë.

Finalja e edicionit të dytë të “Big Brother VIP Kosova” do të mbahet të premten e ardhshme, 2 shkurt.

Kujtojmë se sezonin e parë fitues u shpall reperi i njohur, Arkimed Lushaj—Stresi.