Pak javë më parë, çifti i famshëm Jennifer Lopez dhe Ben Affleck i thanë po njëri-tjetrit në një ceremoni madhështore të mbajtur në Georgia, SHBA. Aktori bëri një fjalim për partneren e tij, me të cilën u ribashkua pas afro 20 vitesh, por së fundmi, Kevin Smith ka ndarë më shumë detaje për këtë.

Ai tregoi se aktori shkroi një fjalim 12 faqe për këngëtaren, të cilën e lexoi në ditën e tyre të madhe. “Ai është një nga shkrimtarët e mi të preferuar në planet. Ai i shkroi zotimet e tij – ata [të dy] i shkruan zotimet e tyre, por ai shkroi një fjalim të gjatë që ia lexoi asaj në dasmë, i cili ishte befasues,” tha Smith.