Këngëtarja kolumbiane Shakira dhe futbollisti Gerard Pique janë takuar sërish në një stadium katër muaj pas ndarjes së tyre. Të dy shkuan në Valencia për të mbështetur djalin e tyre Milan në kampionatin spanjoll të bejsbollit U-11. Revista Hola zbuloi detajet e takimit dhe sqaroi se dy prindërit nuk ishin bashkë. Shakira dhe Pique u ulën në vende të ndryshme të tribunës, të ndarë me disa metra dhe e mbështetën qartë djalin e tyre, i cili po përballej me një ndeshje të rëndësishme.

Shakira ishte miqësore me grupin e prindërve me të cilët ishte dhe nuk e kishte problem të bënte foto me ta. Pique, nga ana e tij, ishte gjithashtu pjesë e grupit me të cilin ishte ulur dhe kishte veshur të njëjtën bluzë të turneut si të gjithë. Revista Hola sqaron se këngëtarja kolumbiane dhe futbollisti, të cilët ishin shumë të përfshirë në ndeshjen e Milanit dhe ekipit të tij, nuk folën me njëri-tjetrin gjatë ndeshjes, gjë që tregon tensionin mes ish-çiftit, në mes të një mosmarrëveshjeje ligjore për kujdestarinë e fëmijëve të tyre.

Sipas raportimeve të fundit, beteja ligjore për këtë çështje po rezulton të jetë veçanërisht e ashpër. Madje, në një nga takimet ligjore për këtë çështje, Pique është larguar nga godina ku po zhvillohej takimi.