Marrëdhënia mes Gerard Pique dhe Clara Chia Marti mesa duket sa vjen e po bëhet edhe më e fortë. Ata janë të lumtur me njëri-tjetrin, duke u konsoliduar me kohën e shkurtër që kanë qenë bashkë dhe duke shmangur zhurmën e krijuar nga lajmet e ndryshme për ndarjen nga Shakira.

Aq sa Pique ka marrë një vendim, sipas Jordi Martin, që do ta mërziste këngëtaren kolumbiane. Programi “Telecinco Socialite” publikoi një ekskluzive me informacionin e Jordi Martin, ku thuhej:

Është diçka që do ta shqetësojë sepse Shakira dhe Pique kishin biseduar shumë. Ishte një gjë për të cilën të dy nuk ishin dakord. Më konkretisht, është një çështje për të cilën Pique dhe Shakira kishin mosmarrëveshje prej vitesh.

Realiteti është se Gerard Pique, sipas informacioneve të gazetarit Jordi Martin, dëshiron të ketë një tjetër fëmijë, këtë herë me Clara Chia-n. Në fakt, dëshira e futbollistit për një fëmijë të tretë daton që nga viti 2016, ku në një intervistë ai zbuloi se gjithmonë ka dashur të ketë tre fëmijë.

Nëse ka një të tretë, do ta mirëpres.

Megjithatë, Shakira nuk e pranoi kërkesën e tij. Në një intervistë të vitit 2014, këngëtarja tha:

Gerard është i bindur se ai dëshiron të ketë tre, por unë dua dy, kështu që ne jemi duke negociuar.

Sipas Martin, Pique i ka informuar të gjithë të afërmit për dëshirën e tij për t’u bërë baba për herë të tretë. Jordi konfirmon se:

Është diçka që nuk mund ta imagjinonim se do ta bënin kaq shpejt. Ai u ka thënë familjarëve se dëshiron të ketë një fëmijë tjetër dhe kjo mund të ndodhë në vitin 2023. Ai është super i dashuruar me Clara-n. Dëshiron stabilitet me të dhe duket më i dashuruar dhe më i lumtur se kurrë.

Së fundmi, këngëtarja kolumbiane Shakira dhe futbollisti Gerard Pique janë takuar sërish në një stadium katër muaj pas ndarjes së tyre. Të dy shkuan në Valencia për të mbështetur djalin e tyre Milan në kampionatin spanjoll të bejsbollit U-11. Revista Hola zbuloi detajet e takimit dhe sqaroi se dy prindërit nuk ishin bashkë. Shakira dhe Pique u ulën në vende të ndryshme të tribunës, të ndarë me disa metra dhe e mbështetën qartë djalin e tyre, i cili po përballej me një ndeshje të rëndësishme.