Raketat ruse dhe dronët e prodhuar nga Irani kanë shkatërruar më shumë se një të tretën e sektorit energjetik të Ukrainës.

Zelensky deklaroi se sulmet ruse kanë shkatërruar më shumë se një të tretën e sektorit energjetik të Ukrainës

Ishte presidenti Volodymyr Zelensky, i cili tregoi statistikat në një konferencë ndërkombëtare, mbi rindërtimin e Ukrainës, këtë të martë.

Duke folur me video në takimin në Berlin, Zelensky tha se sulmet kishin për qëllim ta bënin më të vështirë përballimin e dimrit.

CNN shkruan se ai pretendoi se qeveria e tij nuk ka marrë ende asnjë cent, drejt planit të rimëkëmbjes për riparimin e spitaleve, shkollave, transportit, termocentraleve dhe infrastrukturës tjetër të dëmtuar gjatë luftës.

Presidenti ukrainas gjithashtu kërkoi ndihmë financiare për të mbuluar deficitin buxhetor të shtetit të Ukrainës vitin e ardhshëm, i cili parashikoi se do të ishte 38 miliardë dollarë.

Ai përsëriti thirrjet për të krijuar një mekanizëm ligjor që do të lejonte Ukrainën të merrte asetet e ngrira ruse.

“Ne kemi nevojë për një mekanizëm real, të shpejtë, ligjor për të drejtuar asetet ruse për të kompensuar humbjet e shkaktuara nga lufta ruse”.