Princ Harry do të publikojë librin e tij në janar, ndërsa së fundmi është zbuluar titulli, i cili është konsideruar provokues.

“SPARE” është titulli, dhe me sa duket sipas Sky News, mbetet referencë për frazën “trashëgimtar dhe një rezervë”, duke lënë të nënkuptohet qëndrimi i tij në familjen mbretërore.

Libri flet për kujtimet dhe përjetimet personale të Dukës, që nga jetesa në pallatin mbretëror, e deri tek largimi nga Mbretëria e Bashkuar.

Detajet e funeralit të princeshës Diana janë përmendur në libër dhe botuesit thanë se përjetimet që të dy princat kanë pasur mbeten ende në memorie.

“SPARE i kthen lexuesit menjëherë në një nga imazhet më të tmerrshme të shekullit të njëzetë: dy djem të rinj, dy princa, duke ecur pas arkivolit të nënës së tyre teksa bota shikonte, në pikëllim dhe tmerr. Ndërsa Diana, Princesha e Uellsit u varros, miliarda njerëz pyesnin veten se çfarë duhet të mendojnë dhe ndiejnë princat dhe si do të ishte jeta e tyre që nga ai moment“.

I cilësuar si “më në fund historia e tij”, libri gjithashtu thellohet në udhëtimin personal të Princit Harry, nga traumat në shërim.

“Me ndershmërinë e tij të papërpunuar dhe të patundur, SPARE është një botim historik plot me njohuri, zbulesë, vetëshqyrtim dhe urtësi të fituar me vështirësi për fuqinë e përjetshme të dashurisë mbi pikëllimin”, thuhet në një përshkrim të librit.