Ylli i muzikës pop Britney Spears ka sqaruar së fundmi postimin e saj pasi u aludua se i drejtohej këngëtares Selena Gomez.

Ndërkaq, ajo u shpreh se:

Më lejoni të sqaroj se unë ndaj bindjet e mia për gratë që gjykojnë gratë e tjera për të drejtat e tyre. Ajo që thashë nuk kishte të bënte fare me dikë specifik. Ishte qartë një temë me të cilën të gjitha gratë duhet të merren. Shikoni unë kthehem shumë prapa me muzikën!!! Unë sinqerisht i referohem ditëve të mia kur isha më e re dhe u diskriminova ashpër. Burrat në intervista diskutonin për gjoksin tim. Jam e sigurt që Selena ka kaluar diçka shumë të ngjashme.

Përdoruesit e mediave sociale menduan se postimi origjinal i Spears i drejtohej Gomez bazuar në një fjalim që kjo e fundit bëri në ‘American Music Awards 2016’. Artistja u tha vajzave të reja se “nuk donte të shihte trupat e tyre” në Instagram. Britney shpërndau videon muzikore “Ice Cream” të vitit 2020 të Gomez të filmuar me grupin e vajzave K-pop Blackpink.

Ato thonë: “Kjo nuk është diçka që unë do të bëja”. Por, ato gra janë ato që bëjnë video për lëpirjen e akullores.

Mirëpo, së fundmi Spears shpjegoi se komenti i saj “akullore” kishte të bënte me videoklipin e Kelis të vitit 2004 për “Milkshake”.

Unë i fuqizoj gratë që të shfaqin trupin e tyre si të duan. Kërkoj falje, por nuk e kisha për videon që ka bërë Selena Gomez, të cilën sinqerisht e shikoj dhe kam aq shumë respekt për të.

Gomez nga ana tjetër ende nuk i është përgjigjur postimeve të Britney-t. Ndërkaq, komentet e fundit të Britney Spears për të atin Jamie, rikujtojmë se ishin vërtet të rënda. Këngëtarja vijoi me akuzat e ashpra ndaj të afërmve të saj. Këtë radhë, përmes një postimi në Instagram, ajo akuzoi të atin Jamie Spears, se e kishte trajtuar atë si një qen.