A ju ka ndodhur të flisni me veten? Ata që flasin me vete dhe kapen në flagrancë zakonisht ndihen të turpëruar. Të folurit vetëm është po aq normale sa edhe kryerja e funksioneve trupore. Mund të themi se është një mënyrë për të kultivuar brendësinë dhe mendimet tona. Kjo do të thotë se të folurit vetëm na jep një serë përfitimesh. Biseda me veten na ndihmon të mbajmë lart motivimin dhe besimin te vetja.

Bën mrekulli për të përforcuar konceptet. Kur jeni duke bërë punë të vështira keni nevojë për sa më shumë përqendrim. Shumë shpesh përqendrimi zhvendoset nga të thënit me zë të disa hapave që po ndërmerrni dhe nuk ka asgjë të keqe me këtë. Biseda me veten ju lejon të përpunoni ndjesi dhe ndjenja shumë komplekse. Vetëm për shkak se ato janë ndjenja të vështira nuk do të thotë që ju nuk mund ta ndihmoni veten t’i kuptoni ato më mirë.

Ata që flasin vetëm, ashtu si ata që shkruajnë një ditar, e kanë të dobishme të zgjidhin mendjen e tyre përmes fjalëve dhe disi arrijnë të bëjnë paqe me kompleksitetin e një ndjenje ose të një situate. Shumë shpesh ne nuk e kuptojmë se sa shumë mund të na ndihmojë të flasim vetëm për të qartësuar konceptet. Ajo që ka kuptim të përsosur në mendjen tonë mund të mos e ketë në kokat e njerëzve të tjerë. Fjalët e duhura, të përpunuara, të studiuara mirë, të provuara shumë herë në vetmi, para pasqyrës, ndihmojnë edhe të tjerët të kuptojnë atë që keni në mendje.