Aktorja e njohur Michelle Williams ka sjellë në jetë fëmijën e saj të tretë dhe të dytin me bashkëshortin Thomas Kail. Së fundmi, aktorja u pa duke mbajtur në dorë një foshnjë në një shëtitje familjare. Fotot e shkrepura nga paparacët u siguruan nga Daily Mail. Williams dukej e buzëqeshur ndërsa mbante të porsalindurin në krahë.

Ajo dhe Kail mirëpritën më parë djalin Hart, tani 2 vjeç, në qershor 2020. Aktorja 42-vjeçare, e cila është gjithashtu nënë e vajzës 17-vjeçare Matilda me partnerin e ndjerë Heath Ledger, priti deri në maj për të zbuluar emrin e djalit të saj. Williams e përshkroi lindjen e Hart si “një kujtesë se jeta vazhdon” në mes të pandemisë së koronavirusit.

Më vonë në të njëjtën intervistë, Williams zbuloi se ishte sërish në pritje të ëmbël. Rikujtojmë, se Williams dhe Kail u takuan ndërsa punonin në “Fosse/Verdon” në vitin 2018, duke u fejuar vitin e ardhshëm. Dyshja u martuan në vitin 2020.