Një çift nga Minesota teksa po udhëtonin për të festuar 10-vjetorin e dasmës së tyre morën në shtëpi një diamant ngjyrë kafe 1.9 karat nga Parku Shtetëror i Arkansas, Krateri i Diamanteve. Në një njoftim për shtyp nga parku thuhej se Jessica dhe Seth Erickson e bënë Parkun Shtetëror të Kraterit të Diamantit një destinacion të veçantë në udhëtimin e tyre për të festuar 10 vjetorin e dasmës.

Dyshja morën disa këshilla për terrenin e lagësht nga disa vizitorë të rregullt të parkut në pavijonin North Washing dhe pas rreth një ore shëtitje Seth Erickson vuri re një perlë. Dyshja e çuan gjetjen në Qendrën e Zbulimit të Diamantit të parkut, e cila verifikoi se ishte një diamant kafe 1,9 karatësh.

Parku tha se diamanti ka përmasat e një rruaze. Çifti e quajti diamantin e tyre HIMO, inicialet e secilit prej fëmijëve të tyre. Zyrtarët thanë se në vitin 2022, në Crater of Diamonds State Park janë regjistruar 581 diamante të gjetura. Rikujtojmë, se diamanti më i madh në ngjyrë rozë, në formë dardhe, është shitur së fundmi për shumën rekord të 28.8 milionë dollarëve, në një ankand të Christie’s, në Gjenevë të Zvicrës. Diamanti, me peshë 18.18 karat, iu shit një koleksionuesi aziatik. Ekspertët e gurëve të çmuar kishin parashikuar më herët se diamanti do të shitej deri në 35 milionë dollarë, por Christie’s u shpreh e kënaqur edhe me 28.8 milionë dollarë.