Kamera ka filmuar momentet e vështira të një breshke që ka mposhtur një peshkaqen tigër në një plazh në Australinë Perëndimore. Jack Garnett i cili regjistroi videon me dron, tha për Storyful se incidenti ndodhi në ditën e fundit të pushimeve të tij. Ai tha:

Në ditën tonë të fundit në Winderabandi, vajzat panë një spërkatje të pazakontë të ujit 50 metra nga bregu dhe droni u dërgua për të hetuar. Dukej sikur një peshkaqen tigër prej tre metrash po ndiqte breshkën për ta ngrënë atë. Breshka, megjithatë, përdori guaskën e saj dhe arriti të shmangej disa herë, duke shmangur kafshimet e shumta të peshkaqenit sulmues. Për rreth 10 minuta, familja jonë u mahnit me të vërtetë teksa pamë betejën e madhe midis breshkës dhe peshkaqenit tigër.

Më në fund, breshka kafshoi bishtin e peshkaqenit tigër, duke bërë që ai të largohej me not i mundur.

Një gabim i vetëm nga breshka do të nënkuptonte humbje të gjymtyrëve. Ishte mahnitëse ta shihje atë duke notuar me fuqi të madhe përgjatë bregut.

Biologët detarë, vunë në dukje se breshka është femër në bazë të formës së bishtit të saj, duke theksuar se shpejtësia dhe lëvizshmëria i dhanë një avantazh në betejë. Breshkat e detit të Floridës po përballen me një problem që sa vjen e përkeqësohet nga ndryshimet klimatike.