Ka ndërruar jetë në moshën 96-vjeçare, Georgia Holt, këngëtarja, aktorja dhe nëna e muzikantes Cher.

Këngëtarja njoftoi lajmin për vdekjen  e nënës së saj në një postim në Twitter ku shkruan: “Mami ka ikur.”

Zëdhënësja e Cher, Liz Rosenberg konfirmoi lajmin për Washington Post të dielën, por detaje të tjera, përfshirë shkakun ose datën e saktë të vdekjes, nuk janë zbuluar ende.

Holt u shtrua në spital me pneumoni në shtator. Ndër emrat e famshëm që ndanë ngushëllimet e tyre me Cher ishte edhe ish-kandidatja për presidente të SHBA-së, Hillary Clinton, e cila shkroi: “Më vjen keq për humbjen tënde, mikja ime”.

E lindur në vitin 1926 në Arkansas, Holt u mësua nga babai i saj që të këndonte dhe t’i binte kitarës.

Kur ishte fëmijë fitoi disa konkurse dhe nisi të aktrojë në të 20-tat e saj. Gjatë karrierës së saj, mori role në shfaqje duke përfshirë I Love Lucy dhe The Adventures of Ozzie and Harriet, si edhe në filma përfshirë A Life of Her Oën dhe Grounds for Marriage.

Holt u martua dhe u divorcua gjashtë herë, përfshirë dy herë me ish-burrin e saj të parë, babain e Cher, John Paul Sarkisian, me të cilin ajo u martua në 1946, por u divorcua në 1947, pastaj u martua përsëri në 1965 dhe u divorcua përsëri në 1966.

Pasi martesa e tyre u shkatërrua herën e parë, Holt e dërgoi Cher për një kohë të shkurtër në një jetimore katolike ndërsa ajo punonte për t’u bërë e pavarur financiarisht.

Holt më vonë u martua me aktorin John Southall, me të cilin lindi fëmijën e saj të dytë, Georganne. Në vitin 1961, Holt u martua me menaxherin e bankave Gilbert Hartmann LaPiere, i cili adoptoi ligjërisht Cher dhe Georganne, duke ndryshuar mbiemrat e tyre në LaPiere.

Holt u martua me bashkëshortin e saj të fundit, Craig Spencer, nga viti 1976 dhe qëndroi me të deri në vdekjen e saj.

Ajo u takua me Spencerin kur ai ishte 21 vjeç dhe ajo 50. Për shkak të diferencës së tyre në moshë, ajo mendoi se ai ishte i interesuar për Georganne, e cila ishte në moshën e tij.

“Pastaj mendova se ai më donte me mua unë jam nëna e Cher, ose ndoshta ai mendon se kam para. Sigurisht, rezulton se donte të ishte me mua”, tha ajo në një intervistë.

Cher ka tregyar shpesh admirimin e saj për nënën e saj, madje duke prodhuar një dokumentar në vitin 2013 të titulluar Dear Mom, Love Cher, i cili eksploronte marrëdhënien e tyre të ngushtë.

“Nëna jonë na mbështette vetë – kur dikush thoshte, “Oh nëna jote është martuar kaq shumë herë?” ishim gjithmonë ne të tre… nuk kishte kurrë vërtet burra në shtëpi,” tha ajo në Dear Mom, Love Cher.

Holt regjistroi një album, Honky Tonk Ëoman, në vitet 1980, por kasetat humbën deri në vitin 2013 kur ajo i gjeti në garazhin e saj dhe ia dërgoi drejtorit të saj muzikor. Albumi u publikua atë vit dhe përfshinte një duet me Cher.