Apple po planifikon të prezantojë modelet e reja MacBook Air dhe iPad Pro në vitin 2024 me ekrane OLED. Planet e kompanisë u sugjeruan nga një analist i besueshëm i industrisë, i cili më parë sugjeroi që kompania Cupertino mund të përdorte teknologjinë ‘tandem stack’ për rritjen e shkëlqimit, jetëgjatësisë dhe efikasitetit të energjisë.

Apple aktualisht përmban ekrane OLED në Apple Watch dhe modelet e fundit të iPhone. Këto ekrane pritet të përdorin teknologjinë e oksidit polikristalor me temperaturë të ulët (LTPO) për të ofruar një shpejtësi të ndryshueshme rifreskimi nga 1Hz në 120Hz. Sipas një raporti të 9to5Mac duke cituar analistin e industrisë së ekranit dhe CEO i DSCC, Ross Young, Apple ende po planifikon të sjellë një MacBook Air të ri 13 inç me një ekran OLED në vitin 2024.

Kompania Cupertino thuhet se po punon gjithashtu për modelet iPad Pro 11 inç dhe 12.9 inç. Analisti kishte sugjeruar më parë se modeli MacBook me një ekran OLED gjithashtu mund të tregtohej thjesht si një MacBook ose një model i ri MacBook Pro. Apple mund të nxjerr në treg këtë model të përfolur nën një kategori të re në familjen MacBook.

Të tre pajisjet e përfolura pritet të përdorin teknologjinë ‘tandem stack’ për të rritur shkëlqimin dhe jetëgjatësinë e ekranit. Mund të zvogëlojë gjithashtu konsumin e energjisë me 30%. Për më tepër, këto ekrane mund të kenë teknologji LTPO për të ofruar një shpejtësi të ndryshueshme rifreskimi midis 1Hz dhe 120Hz. Analisti beson se ekranet OLED mund të bëhen më të lira për t’u prodhuar në vitet e ardhshme.