Brigjet e një plazhi në Senegal janë mbushur me aq shumë mbeturina saqë pjesa më e madhe e rërës është e mbuluar, por një burrë po përpiqet të ndërgjegjësojë njerëzit për rreziqet e plastikës. Aktivisti Modou Fall, të cilit tashmë i ka mbetur pseudonimi “Njeriu plastik”, pozon gjithmonë nëpër foto në plazhin e ndotur Yarakh të Senegalit.

49-vjeçari thotë se ndotja plastike është një fatkeqësi ekologjike.

Është një helm për shëndetin, për oqeanin, për popullatën.

Duke ecur, fijet dhe copat e plastikës i varen nga krahët dhe këmbët, ndërsa në gjoks mban të varur një shenjë që shkruan në frëngjisht: “Jo qeseve plastike!”.

Ndryshimi i klimës është real, kështu që ne duhet të përpiqemi të ndryshojmë mënyrën tonë të jetesës, të ndryshojmë sjelljen tonë për t’u përshtatur më mirë me të.

Ai tregon se disa njerëz e shohin si të çmendur, por më pas ndryshojnë mendim sapo nis e flet për ndotjen e mjedisit dhe synimet e tij për plazhe më të pastra. Sipas një studimi, rikujtojmë se bregdeti izraelit është i ndotur me mbi dy tonë mikroplastikë. “Plazhet e Tel Avivit dhe Hadera janë më të goditurit. Rezultatet janë alarmante. Në dritën e rezultateve, kontakti i dëmshëm me mikroplastikën është praktikisht i pashmangshëm”, njoftoi Universiteti i Tel Avivit. Burimet e ndotjes janë ambalazhet e ushqimeve, produktet plastike të disponueshme dhe rrjetat e peshkimit.