Analisti Frrok Çupi, ka reaguar dje me anë të një komenti për tensionet që po ndodhin ditët e fundit në Veri të Kosovës. Çupi në analizën e tij tregon se kush qëndron prapa këtyre konflikteve të forta dhe skenat që mund të ndodhin në ditët në vijim sipas Çupit.

“Në Veri të Kosovës Rusia tenton të ndezë luftën kundër Perëndimit dhe kundër NATO-s. Deri më tani është plagosur një polic shqiptar dhe janë keqtrajtuar disa gazetarë. Por tensioni i vërtetë fshihet prapa maskave. Pala serbe ka tentuar të sulmojë kundër forcave të EULEX-it, por kjo do të ishte fatale. Akti në front shihet ngjarja në veri të Kosovës. Rusia, e nisur për drejt luftës botërore, nuk do të sulmojë të parin Uashingtonin, as Parisin, natyrisht. Në 6 dhjetor 2022, Bashkimi Europian, me gjithë kapacitetet e veta dhe personalitetet, ulet në Tiranë për Samitin me Ballkanin Perëndimor. Atë ditë grupimi i mbetur nga PD, kryesuar nga Berisha, ngre ‘popullin’ kundër Perëndimit. Bosi zgjedh të gjakoset vetë në bulevard si besim për partnerët e tij. Arsyeja pse e zgjodhi këtë formë?… Kjo është. Një pjesë e kësaj enigme mund të shikohej qartë pas syzeve të diellit në Hotel Rogner. Të dielën këta të Rithemelimit u mblodhën në Hotelin e Tiranës si delegatë lufte. Në luftë ata që mbledhin shokët rrugës u bëjnë sinjal ‘Eej, mos harro fishekët!’; ndërsa këta u derdhën bareve të qytetit me parullën ‘Mos harro syzet”, tha ai.

Analisti tha se aleatët e syzeve të zeza shtyjnë çdo ditë në media sociale frymën pse vallë Amerika këtu.“Kryeministri Edi Rama ka deklaruar se Republika e Shqipërisë do të jetë në krah të Kosovës. Shqipëria është aleate e Shteteve të Bashkuara, vendi ku bazohet edhe siguria e rajonit. Por kurrë në histori nuk ka pasur kaq kundërshti rreth pranisë së SHBA në Tiranë. Aleatët e ‘syzeve të zeza’ shtyjnë çdo ditë në media sociale frymën ‘pse vallë Amerika këtu dhe ‘pse guvernatorja Yuri Kim na prish punë”, nënvizoi Çupi.