Një çift britanik ka aplikuar për certifikim nga Rekordet Botërore Guinness pasi ata shëtitën globin në një biçikletë të përbashkët, duke përshkuar rreth 28,968 kilometra në 21 vende. Laura Massey-Pugh dhe Stevie Massey me 1 dhjetor, apo rreth 180 ditë më vonë, arritën në Berlin, në qytetin ku ata e filluan përpjekjen për thyerjen e rekordit.

Çifti, i cili bëri një xhiro me një biçikletë tandem në takimin e tyre të parë, tha se ishin frymëzuar të provonin rekordin për udhëtimin më të shpejtë me biçikletë të përbashkët pasi lexuan për kolegët britanikë Cat Dixon dhe Raz Marsden, të cilët vendosën rekordin e ekipit për femra për 263 ditë, 8 orë e 7 minuta.

Ata zbuluan se rekordi i ekipit të meshkujve ishte 281 ditë, 22 orë dhe 20 minuta. Rekordet Botërore të Guinness listojnë një kategori për versionin e përzier të rekordit, por nuk ka asnjë mbajtës aktual të rekordit.

Massey-Pugh në fakt deklaroi se ishte e sigurt se ajo dhe bashkëshorti i saj mund të thyenin rekordin e të dy gjinive. Ata pastaj filluan që të hulumtojnë rregullat e organizatës së mbajtjes së të dhënave, të cilat përfshinin udhëtimin për një minimum prej 28,968 kilometrave në një drejtim të vetëm dhe duke përfunduar udhëtimin e tyre në të njëjtin vend ku edhe filloi.

Çifti tha se ishin të lehtësuar për të përfunduar udhëtimin e tyre të gjatë. Në një deklaratë për median CNN, Massey-Pugh tha se:

Ishte thjesht një ndjenjë e madhe lehtësimi. Të mund të ndalonim më në fund pedalimin dhe të shihje disa miq dhe familjarë të dashur që nuk i kemi parë për gjashtë muaj ishte absolutisht e jashtëzakonshme.