Nëse qëllimi kryesor është ta nisni bukur vitin që po vjen, atëherë nisjani duke bërë diçka për herë të parë. Gjatë festave të Krishtlindjeve ka dreka dhe momente të veçanta nga të cilat është e vështirë t’u shmangesh. Por mos harroni të lini një hapësirë vetëm për kënaqësitë tuaja. Kërkoni për momente që mund t’ju bëjnë të shijoni emocione të reja apo përvoja të reja.

Për ta mbyllur vitin e vjetër në mënyrën më të mirë të mundshme dhe për të mirëpritur të riun, vizitoni një vend që nuk e njihni. Mjafton edhe një qytet afër shtëpisë që nuk e keni parë kurrë. Eksplorimi, vizita, njohja me vende të panjohura më parë do të sjellë energji pozitive. Në çdo rast, gjatë festave, shkruani qëllimet që dëshironi të arrini në vitin pasardhës. Nëse vërtet dëshironi të keni një vit të mrekullueshëm, do t’ju duhet të përqendroheni në dëshirat tuaja. Vetëm duke i nxjerrë ëndrrat nga ‘sirtari’ mund të filloni të punoni për t’i realizuar ato.

Nëse nuk keni mundësi të lëvizni, atëherë qëndroni në qytetin tuaj dhe kërkoni vende që nuk i keni parë ende. Edhe nëse mendoni se e njihni vendin ku jetoni, duke kërkuar online mund të zbuloni përvoja të reja për t’i provuar dhe ndarë me të dashurit. Bëni turistin në qytetin tuaj dhe do të shikoni gjithçka me sy ndryshe. Do të mësoni të doni më shumë atë që ju rrethon dhe kjo do t’ju ndihmojë të grumbulloni energji të reja për muajt e ardhshëm.

Fundi i këtij viti përfundon me Mërkurin në prapavijë, i cili shkon retrograd më 29 dhjetor. Kjo sigurisht që na sjell konfuzion në komunikim, ndaj mund të ndodhë që organizimi i takimit të ndryshojë për një minutë në orën 12:00. Përveç kësaj, të gjithë duhet t’i kushtojmë vëmendje mënyrës së komunikimit, sepse mund të ndodhin vërtet debate dhe prishje serioze, veçanërisht në marrëdhëniet me partnerin. Zbuloni si parashikohet fundi i këtij viti për secilën nga shenjat e zodiakut