Shkencëtarët besojnë se buzëkuqi mund të ketë efekt pozitiv edhe kur kemi të bëjmë me viruse dhe baktere. Një studim i fundit zbuloi se buzëkuqi është një nga shumë produkte që përmbajnë kimikate të afta të prishin sistemin endokrin. Formulat e buzëkuqit që përfshijnë agjentë ngjyrues natyralë, ruajnë ngjyrën e kuqe të gjallë duke ofruar gjithashtu përfitime antimikrobike. Përveç kësaj, ekstrakti i boronicës së kuqe është treguar se ngordh mikrobet e rrezikshme.

Në dritën e këtyre gjetjeve të mëparshme, Dr. Ángel Serrano-Aroca dhe ekipi i tij donin të hetonin më tej përdorimin e ekstraktit të boronicës së kuqe për të krijuar një nuancë të kuqe të thellë buzëkuqi. Produkti përfundimtar ndriçon buzët e grave, duke nxjerrë në pah feminilitetin, por edhe duke i mbrojtur ato nga mikrobet patogjene. Për formulën, studiuesit shtuan ekstrakt boronicë në bazën e kremit të buzëkuqit me gjalpë shea, vitaminë E, provitaminë B5, vaj kokosi dhe vaj avokado.

Më pas ata aplikuan përzierjen në kultura të viruseve të ndryshme, baktereve dhe një lloj myku. Të dy variantet e virusit u çaktivizuan shpejt, ndërsa buzëkuqi bllokoi mikrobet brenda një minutë kontakti. Bakteret shumë-rezistente, mykobakteret dhe kërpudhat u dobësuan dhe u çaktivizuan ndjeshëm brenda pesë orëve nga aplikimi. Gjetjet e tyre sugjerojnë se formula e tyre e re mund të ketë një vend në tregun e kozmetikës si një produkt mbrojtës kundër mikroorganizmave.

Rikujtojmë, se një kompani kozmetike në Las Vegas ka krijuar një buzëkuq të quajtur “data rap”. Në pamje të parë është një buzëkuq i zakonshëm, por nëse shtypni një buton ai aktivizohet duke personalizuar udhëzimet nëse ndjeheni të kërcënuar apo duke lajmëruar një të afërm apo policinë për ndihmë. Themeluesja e kësaj kompanie kozmetike, Joy Hoover thotë për CNN se ka krijuar një buzëkuq mbrojtës dhe një aplikacion SOS për gratë që nuk mund të marrin ndihmën në kohën e duhur.