Ka ndërruar jetë Papa Benedict XVI! Ish-papa Benedikti XVI ka vdekur në rezidencën e tij në Vatikan, në moshën 95-vjeçare, pothuajse një dekadë pasi u largua nga pushteti për shkak të shëndetit të dobët. Ai drejtoi Kishën Katolike për më pak se 8 vjet derisa, në vitin 2013, ai u bë Papa i parë që dha dorëheqjen që nga Gregori XII në 1415.

Benedikti, Papa i parë gjerman në 1000 vjet, u zgjodh më 19 prill 2005, për të pasuar Papa Gjon Pali II shumë popullor, i cili drejtoi kishën katolike romake për 27 vjet.

Benedikti e shpalli dorëheqjen më 11 shkurt 2013. Ai deklaroi se nuk kishte më forcë fizike dhe mendore për të udhëhequr kishën. Më 28 shkurt të të njëjtit vit, ai dha dorëheqjen zyrtarisht dhe u zhvendos përkohësisht në rezidencën verore papale, në jug të Romës, ndërsa kardinalët nga e gjithë bota u mblodhën në Romë për të zgjedhur pasardhësin e tij. Françesku, Papa i parë nga Amerika Latine, u zgjodh pasardhës i tij më 13 mars 2013.