Miliarderi i teknologjisë Elon Musk ka hyrë në librin e rekordeve Guinness për humbjen më të madhe të pasurisë personale në histori. Musk ka humbur afërsisht 182 miliardë dollarë që nga nëntori 2021, duke bërë që pasuria e tij neto të bjerë nga 320 miliardë dollarë në 2021 në 138 miliardë dollarë në janar 2023, humbja më e rëndësishme financiare në historinë njerëzore.

Humbjet e rënda të Musk ishin kryesisht për shkak të rënies së madhe të aksioneve të Tesla-s, të cilat humbën rreth 65% të vlerës së tyre në 2022. Blerja e Twitter për rreth 44 miliardë dollarë gjithashtu nuk ndihmoi në përmirësim. Musk mbetet njeriu i dytë më i pasur në botë, duke mposhtur Jeff Bezos, Bill Gates dhe Warren Buffett. Kompania e tij Tesla është ende kompania më e vlefshme e makinave në botë, me vlerë 100 miliardë dollarë më shumë se konkurrenti i saj më i afërt, Toyota.

Rikujtojmë, se avioni privat i Musk bëri 134 fluturime në vitin 2022, sipas përdoruesit që drejton një llogari në Twitter që ndjek lëvizjet e tij. Jack Sweeney, studenti i kolegjit që filloi të gjurmonte aeroplanin në vitin 2020, përpiloi shifrat për Gulfstream G650ER të miliarderit, shifra e të cilit është N628TS. Megjithatë, të dhënat nuk tregojnë nëse Musk ishte në bord.

Ndërkaq, Musk është kthyer në qendër të vëmendjes për shkak të një kirurgu plastik, i cili pretendon se duke parë fytyrën e njeriut më të pasur në planet, ai mund të shohë se ai ka shpenzuar më shumë se 172,000 dollarë për operacione plastike duke eleminuar njollat në fytyrën, trupin e tij dhe mbjelljen e flokëve të rënë.