Rihanna po punon përpara shfaqjes së saj të pjesës së parë në Super Bowl, duke u fokusuar aq shumë në atë që premton se do të jetë një shfaqje e mbushur plot supriza dhe përkushtim, saqë ditëlindja e saj e ardhshme dhe Dita e Shën Valentinit pothuajse nuk do të jenë fare në mendjen e saj. Në një intervistë paraprake mediatike përpara ndeshjes të së dielës midis Philadelphia Eagles dhe Kansas City Chiefs, superylli i muzikës dhe nëna e re tha se kjo ngjarje është mjaft e rëndësishme për të.

Këngëtarja tha se fillimisht ishte e pasigurt për të marrë përsipër sfidën e performancës gjatë një kohe kur ajo ishte tre muaj pas lindjes dhe pyeti veten nëse duhet të marrë vendime të mëdha si kjo dhe nëse mund të pemndohet nga kjo zgjedhje. Më tej, ajo u shpreh:

Lista e këngëve ishte sfida më e madhe. Kjo ishte pjesa më e vështirë, më e vështira. Të vendosësh se si të maksimizosh 13 minuta, por edhe të festosh. Do të jetë një festë e katalogut tim në mënyrën më të mirë që mund ta kishim menduar.

Ajo është nëntë herë fituese e çmimeve Grammy dhe ka gjatë karrierës së saj 14 hite numër 1 në listën e “Billboard Hot 100”, duke përfshirë “We Found Love”, “Work”, “Umbrella” dhe “Disturbia”. Ajo dhe reperi A$AP Rocky së fundmi mirëpritën fëmijën e saj të parë. në lidhje me këtë rrugëtim të ri, ajo u shpreh:

Por kur bëhesh nënë, ndihesh sikur mund të përballesh me botën, mund të bësh gjithçka. Super Bowl është një nga skenat më të mëdha në botë. Sado e frikshme të ishte, sepse nuk kisha dalë në skenë për shtatë vjet, ka diçka emocionuese në sfidën e gjithë kësaj. Në fund të ditës, nëse bie ose fluturon, emri im duhet të qëndrojë pranë kësaj. Dhe kështu me të vërtetë përfshihem në çdo aspekt të çdo gjëje që bëj.

Rihanna i bashkohet listës së artistëve të famshëm që kanë luajtur gjatë shfaqjeve të pjesës së parë të Super Bowl, duke përfshirë Beyoncé, Madonna, Coldplay, Katy Perry, U2, Lady Gaga, Michael Jackson, Jennifer Lopez, Shakira dhe The Weeknd. Vitin e kaluar, hip-hop u festua me Dr. Dre, Snoop Dogg, Eminem, Mary J. Blige dhe Kendrick Lamar të gjithë duke performuar. Këngëtarja kishte refuzuar më parë të performonte në shfaqjen e pjesës së parë të vitit 2019 për shkak të solidaritetit me Colin Kaepernick. Por ajo ka thënë se koha dhe rrethanat këtë herë ishin të duhura për të.