Një incident ka ndodhur pak më parë gjatë protestës së thirrur nga Sali Berisha në bulevardin “Dëshmorët e Kombit”.  Menjëherë pasi Berisha ka zbritur nga podiumi, disa nga qytetarët e mbledhur në tubim kanë hedhur tymuese dhe flakadanë në drejtim të godinës së qeverisë. Efektivët e policisë të vendosur “gardh” për mbrojtjen e godinës janë kthyer me kurriz për të shmangur incidentet.

Protestuesit duket se kanë hedhur kapsolla në shkallët e Kryeministrisë, godinë e cila mbeti e rrethuar me kordon police.

Duket se kapsolla ka krijuar tym dhe ka prishur radhët e policisë.

Deri më tani protesta ka vijuar e qetë dhe pa përplasje mes protestuesve dhe efektivëve siç ndodh zakonisht.