Banorët lirohen nga “Burg Brother Vip”, por cili është dënimi i dytë për ta?
vovalbania
February 13, 2023
0 koment
1 Mund të lexoni në minuta.
Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
Që prej ‘Prime-it’ të kaluar Luizi, Olta, Kristi dhe Armaldo janë të dënuar nga Vëllai i Madh me ‘Burg Brother Vip’, për shkak se kanë thyer rregullin duke biseduar për nominimet. Gjatë qëndrimit brenda në ‘burg’, banorët kanë spekulluar se Vëllai i Madh favorizon apo bën aleanca me banorët, siç ishte rasti ku Olta është shprehur se Luizi ka bërë marrëveshje me Vëllain e Madh për të futur Kiarën brenda në ‘burg’. Për këtë është marrë vendimi që banorët të dalin dhe t’i bashkohen pjesës tjetër të shtëpisë dhe për sa i përket akuzave për favorizim, Vëllai i Madh ka vendosur që asnjë nga këta katër banorë nuk do të ketë të drejtën të futet në dhomën e rrëfimit, kur ata të kenë diçka për të thënë, por vetëm me kërkesën e tij.
Ditën e sotme të katërt banorët kanë dhënë një mesazh përpara një prej kamerave, për të gjithë shikuesit në lidhje me tërmetin që ndodhi në Turqi dhe Siri. Banorët janë shprehur se u vjen shumë keq dhe se do të mundohen që me anë lojrave të tyre dhe dinamikave të shumta që do krijojnë brenda në shtëpi të mund tu rikthejnë pak buzëqeshjen.
LAJME
