Gazetari dhe ish-konkurrenti i “Big Brother VIP”, Bledi Mane gjatë qëndrimit të tij në shtëpinë e famshme pati disa përplasje me Dea MIshel Hoxhën, me të cilën jashtë lojës ata ruanin raporte të mira me njëri-tjetrin.

E së fundmi teksa ishte pjesë e panelit të “Trotuar” në “E Diell”, Mane rrëfeu një episod që pati me prindërit e Deas teksa ndodheshin në kalanë e Gjirokastrës. Gazetari tregoi se teksa ishte gjendur për një moment pranë tyre, ata i kishin kërkuar llogari se përse ishte kapur me ish-banoren gjatë spektaklit.

 “Isha një natë tek festivali i Gjirokastrës ishte plot me njerëz, isha shumë në siklet sepse duke ngjitur shkallët ishte mamaja e Deas që më kërkonte llogari se pse isha kapur me Dean. Ishim të tre me zi po merrnin frymë por ishin të dy prindërit e Deas.”-tregoi Bled Mane.